மினி கால்குலேட்டர்

Posted On July 31,2012,By Muthukumar

கம்ப்யூட்டரில் வேலை செய்து கொண்டிருக்கும்போது, திடீரென ஏதேனும் சிறிய கணக்குகளை மேற்கொள்ள வேண்டியதிருக்கும். இதற்கென எக்ஸெல் ஒர்க்ஷீட்டில் பார்முலா அமைத்து செயல்பட முடியாது. விண்டோஸ் தரும் கால்குலேட்டரையும் ஸ்டார்ட், ஆல் புரோகிராம்ஸ், அக்சசரீஸ், கால்குலேட்டர் எனச் சென்று கிளிக் செய்திட வேண்டும். விண்டோஸ் தரும் இந்த கால்குலேட்டரை அதன் தோற்றத்திற்காக, தெளிவாகத் தெரியாத தன்மைக்காகப் பலர் விரும்புவதில்லை. டெஸ்க்டாப்பில் ஒரு கால்குலேட்டர் இருந்தால், அதுவும் வசதியாகவும், எளிமையாகவும் பயன்படுத்தும் வகையில் இருந்தால் நன்றாக இருக்குமே. அப்படி ஒரு கால்குலேட்டரைத்தான், மினி கால்குலேட்டர் என்ற பெயரில், இணைய தளம் ஒன்று இலவசமாகத் தருகிறது. இதன் முகவரி http://www.softpedia.com/get/ScienceCAD/MiniCalculator.shtml. இந்த தளம் சென்று இதற்கான ஸிப் பைலை டவுண்லோட் செய்து பின்னர் விரித்து இதன் இ.எக்.ஸி பைலைக் கிளிக் செய்து, டெஸ்க்டாப்பில் வைத்துக் கொள்ளலாம். மிகச் சிறியதாக, ஆனால், கருப்பு வெள்ளையில் தெளிவான தோற்றத்தில் இது இருப்பதனைக் காணலாம். தேவைப்பட்டால் பயன்படுத்திக் கொள்ள, சயின்டிபிக் கால்குலேஷனும் இதில் கிடைக்கிறது. பைல் மிகச் சிறியதாக உள்ளதால், (157 கே.பி.) யு.எஸ்.பி. ட்ரைவிலும் எடுத்துச் செல்லலாம். தற்போது இதன் பதிப்பு 1.0.4.8 கிடைக்கிறது.
இதன் பல பிரிவுகள் நமக்குப் பல்வேறு வசதிகளைத் தருகின்றன. இதனை ரைட் கிளிக் செய்தால் கிடைக்கும் மெனுவில் உள்ள Show Strip என்பது, நாம் மேற்கொள்ளும் கால்குலேஷன் அனைத்தையும் அப்படியே டெக்ஸ்ட்டாக அமைக்கிறது.
இதனை அப்படியே பைலாக சேவ் செய்திடலாம். கால்குலேஷனில் தவறு இருப்பின் எங்கு என்பதைக் கண்டறியலாம். இதில் ஏற்றப்படும் டேட்டாவினை, Save to File, Copy All, or Clear Strip எனப் பல வகைகளில் பயன்படுத்தலாம். Scientific என்பதனைக் கிளிக் செய்தால், sine, cosine, and tangent எனப் பல சயின்டிபிக் கால்குலேஷன்களை மேற்கொள்ளலாம். கால்குலேட்டர் விண்டோ இயக்கத்தினை அப்படியே அதே நிலையில் சேவ் செய்திட Options கிளிக் செய்து தேவையானதைத் தேர்ந்தெடுக்கலாம். அதிக குழப்பமான தோற்றம் இன்றி, மிக மிகச் சிறிய பாக்கெட் கால்குலேட்டர் போல டெஸ்க் டாப்பில் வைத்து இதனை இயக்க நம் அனைவருக்குமே விருப்பமாக இருக்கும். நீங்களும் பயன்படுத்திப் பாருங்கள்.

கூகுள் வீடியோ நிறுத்தம்

Posted On July 31,2012,By Muthukumar

கூகுள் வீடியோ நிறுத்தப்படுகிறது என்றவுடன், கூகுள் நிறுவனத்தின் யுட்யூப் சேவை நிறுத்தப்படுகிறதோ என்ற அச்சம் ஏற்படுகிறதா? அதுதான் இல்லை. கூகுள் நிறுவனம் முதலில் கூகுள் வீடியோ என்ற சேவையைத் தொடங்கி நடத்தியது. பின்னரே, யுட்யூப் சேவைத் தளத்தை வாங்கி தன்னுடையதாக்கிக் கொண்டது. ஆனால் இரண்டு சேவைத் தளங்களும் இயங்கி வந்தன. அதிகம் பிரபலமாகாத கூகுள் வீடியோ வரும் ஆகஸ்ட் மாதத்துடன் மூடப்படப் போவதாக அறிவிக்கப்பட்டுள்ளது.
2005 ஆம் ஆண்டில், கூகுள் வீடியோ தொடங்கப்பட்டது. தங்களுடைய வீடியோ படங்களை இணையத்தில் தேக்கி வைத்திட, சர்வர் இல்லாதவர்களுக்கு உதவிடும் வகையில் இது தொடங்கப்பட்டது. ஆனால், ஒரே நேரத்தில் பல்லாயிரக் கணக்கானவர்கள் வீடியோ பார்க்க முயற்சிக்கையில், அதன் சர்வர் தள்ளாடியது. அதனால், ஈடு கொடுக்க இயலவில்லை. அடுத்த ஆண்டிலேயே தனக்குப் போட்டியாக இயங்கி வந்த யுட்யூப் தளத்தை, கூகுள் வாங்கியது.
கூகுள் வீடியோ தளத்தினை சீரமைக்க கூகுள் எடுத்த நடவடிக்கைகள் பலனற்றுப் போயின. இதனால், 2009 ஆம் ஆண்டு முதல், வீடியோ கிளிப் பைல்கள் அப்லோட் செய்வது அனுமதிக்கப்படவில்லை. இப்போது ஆகஸ்ட் 20 முதல் இத்தளம் செயல்படாது என அறிவிக்கப்பட்டுள்ளது.
இதில் ஏற்கனவே தங்கள் வீடியோக்களை அப்லோட் செய்தவர்கள், அவற்றை யுட்யூப் தளத்திற்கு மாற்றிக் கொள்ளலாம்; அல்லது தங்கள் கம்ப்யூட்டரில் இறக்கிப் பதிந்து வைத்துக் கொள்ளலாம். ஆகஸ்ட் 20க்குப் பின்னர், கூகுள் வீடியோ தளத்தில் உள்ள வீடியோ பைல்களை, கூகுள் நிறுவனமே யுட்யூப் தளத்திற்கு மாற்றிவிடும். இதே போல தன்னுடைய ஐ கூகுள் சேவையினையும், கூகுள் மூடுகிறது. தனி நபர்கள் தங்களுக்கென ஒரு தளத்தை அமைத்து இயங்க இந்த சேவையினை கூகுள் வழங்கியது. தற்போது இது போல பல தளங்கள் கூடுதல் வசதிகளுடன் இயங்குவதால், இதனையும் மூடுகிறது. இதே போன்ற காரணங்களுக்காக, சிம்பியன் சர்ச் அப்ளிகேஷன், கூகுள் மினி மற்றும் கூகுள் டாக் சேட் பேக் ஆகிய வசதிகளும் மூடப்படுவதாக, கூகுள் அறிவித்துள்ளது.

புதிய ஸ்கைப் பதிப்பு 5.10.0.114

Posted On July 30,2012,By Muthukumar

உ லகின் எந்த மூலையில் இருப்பவர்களுடனும் தொடர்பு கொண்டு பேச, இலவசமாக நமக்குக் கிடைக்கும் புரோகிராம் ஸ்கைப். ஸ்கைப் பயன்படுத்தும் எவருடனும் இலவசமாக நாம் தொடர்பு கொண்டு பேச முடியும். உலகில் பெரும்பாலானவர்கள் இதனையே பயன்படுத்தி வருகின்றனர். இதன் புதிய பதிப்பு சென்ற ஜூன் 14 அன்று வெளியாகியுள்ளது. இதனை http://download. skype.com என்ற இந்நிறுவனத்தின் இணைய தளத்திலிருந்து இலவசமாகத் தரவிறக்கம் செய்து, கம்ப்யூட்டரில் பதிந்து இயக்கிக் கொள்ளலாம்.
புதிய வசதிகளுடன் மேம்படுத்தப்பட்ட இந்த புரோகிராம், புதிதாக இதனைப் பயன்படுத்துபவர்களும் எளிதாகப் பயன்படுத்தும் வகையில் அமைக்கப்பட்டுள்ளது. ஸ்கைப் இயக்கப்பட்டவுடன் கிடைக்கும் ‘Getting Started Wizard’ மூலம், நாம் அடிக்கடி மேற்கொள்ளும் பணிகளைச் செயல்படுத்தலாம். தொடர்புகளை கண்டறிதல், பெர்சனல் தகவல்களை எடிட் செய்தல், சோதனை அழைப்புகளை மேற்கொள்ளுதல் போன்றவை இப்போது எளிமையாக்கப்பட்டுள்ளன.
இந்த புதிய பதிப்பில், கூடுதல் வசதிகள் பல இணைக்கப்பட்டுள்ளன. ஒன்றுக்கு மேற்பட்ட பைல்களை இப்போது அனுப்ப முடியும். ஒலி வெளிப்பாடு மேம்படுத்தப்பட்டுள்ளது. தனி நபர் செட்டிங்ஸ் அமைப்பதில் கூடுதல் வசதிகள் தரப்பட்டுள்ளன.
கான்பரன்ஸ் முறையில் ஒரே நேரத்தில் ஐந்து பேர்களுடன் உரையாட முடியும். வெவ்வேறு இயக்கங்களில் இயங்கினாலும் தொடர்பு கொள்ள முடிகிறது.
ஸ்கைப் இயக்க கீழ்க்காணும் வகையில் சிஸ்டம் இருக்க வேண்டும். விண்டோஸ் 2000 அல்லது எக்ஸ்பி மற்றும் பின்னர் வந்த விண்டோஸ் பதிப்புகள். வீடியோ அழைப்பு எனில் குறைந்தது எக்ஸ்பி அவசியத் தேவையாகும். இணைய இணைப்பில் பிராட்பேண்ட் இணைப்பு இருந்தால் நல்லது. ஸ்பீக்கர் மற்றும் மைக், கம்ப்யூட்டர் உள்ளாகவோ, தனியே இணைக்கப்பட்டோ இருக்கலாம். வீடியோ அழைப்புகளுக்கு இதே போல வெப் கேமரா இருக்க வேண்டும். கம்ப்யூட்டரின் ப்ராசசர் குறைந்தது 400 மெகா ஹெர்ட்ஸ் திறனுடன் இருக்க வேண்டும். ராம் நினைவகம் 128 எம்பி மற்றும் டிஸ்க்கில் 15 எம்பி இடம் தேவை.

ஆங்கிலம்-உருது அகராதி.

Posted On July 29,2012,By Muthukumar

நமது பதிவிற்கு இஸ்லாமிய நண்பர்கள் அதிகம். அவர்கள் பயன்படுத்த ஆங்கில வார்த்தைக்கு ஏற்ப உருது வார்த்தைகளை கண்டுபிடிக்க இந்த அகராதி உதவுகின்றது. 50 எம்.பி. கொள்ளளவு கொண்ட இதனை பதிவிறக்கம் செய்ய இங்கு கிளிக் செய்யவும். இதனை இன்ஸ்டால் செய்ததும் உங்களுக்கு கீழ்கண்ட விண்டோ ஓப்பன் ஆகும்.

இதில் ஆங்கில எழுத்துக்கள் 26 ம் கொடுத்துள்ளார்கள்.வார்தைகளை தேர்வு செய்தும் உருது வார்ததையை கண்டுபிடிக்கலாம். அல்லது இதில் உள்ள சர்ச் பாக்ஸில் ஆங்கில வார்த்தையை தட்டச்சு செய்து அதற்கான உருது வார்ததையை கண்டுபிடிக்கலாம்.

நான் Home என்கின்ற வார்த்தையை தட்டச்சு செய்துள்ளேன்அதற்கான உருது வார்த்தை வந்துள்ளது. நீங்களும் பயன்படுத்திப்பாருங்கள்.கருத்துக்களை கூறுங்கள்.

பி.டி.எப்.கோப்பாக நீங்கள் பதிவிறக்க இங்கு கிளிக் செய்யுங்கள்

அசுர வேகத்தில் இணையம்: அறிமுகப்படுத்துகின்றது கூகிள்

Posted On July 29,2012,BY Muthukumar

சாதரணமாக பயன்படுத்துகின்ற இணைய இணைப்பின் வேகத்தை விட 100 முறை வேகம் கொண்ட இணைய இணைப்பை கூகிள்Fiber எனும் பெயரில் அறிமுகப்படுத்தியுள்ளது கூகிள் நிறுவனம்.
 தற்போது Kansas City யில் மாத்திரம் அசுர இணைய இணைப்பை வழங்கும் கூகிள் அவை விரைவில் ஏனைய இடங்களுக்கும் விரிவு படுத்தப்படும் என அறிவிக்கின்றது.

இதன் மூலம் 1GB க்கும் அதிகமாக அப்லோட் மற்றும் டவுண்லோட் வேகத்தை தருகின்றது.

செய்திகளை தெரிந்து கொள்ள வண்ணமயமான வழி.

Posted On July 29,2012,By Muthukumar

ஒரு காலத்தில் இணையத்தில் செய்திகளை தெரிந்து கொள்ள வேண்டும் என்றால் யாஹு வலைவாசல் தான் சிறந்த வழியாக இருந்தது.அதன் பிறகு திரட்டியான டிக் சிறந்ததாக கருதப்பட்டது.இதனிடையே கூகுலும் த பங்கிற்கு கூகுல் சியூசை அறிமுகம் செய்தது.
செய்திகளை தொகுத்தளிக்க இன்னும் எண்ணற்ற இணையசேவைகள் இருக்கின்றன.அவப்போது புதிய சேவைகளும் அறிமுகமாகி கொண்டே இருக்கின்றன.
புதிய சேவைகளில் எத்தனை புதுமையானதாக இருக்கின்றன என்பது கேள்விக்குறி தான்!
ஆனால் நியூசோலாவை நிச்சயம் புதுமையான செய்தி திரட்டியாக கருதலாம்.காரணம் நியுசோலா செய்திகளை வண்ணமயமாக பார்வைக்கு வைக்கிறது.
பொதுவாக செய்திகளை தொகுத்தளிக்கும் தளங்கள் அவற்றை செய்தி வகைகளுக்கு ஏற்ப தனித்தனி தலைப்புகளின் கீழ் பிரித்து வகைப்படுத்தி தரும்.இந்த முறையில் பெரிதாக புதுமைக்கு வாய்ப்பில்லை.
ஆனால் நியுசோலா செய்திகளை அவற்றின் வகைகளுக்கு ஏற்ப கட்டங்களாக புரித்து ஒவ்வொரு கட்டத்தையும் ஒரு வண்ணத்தில் மின்னச்செய்கிறது.
ஒவோரு செய்தி வகைக்கும் ஒரு வண்ணம் என முகப்பு பக்கம் முழுவதும் கட்டங்களாக பிரிக்கப்பட்டு அவற்றின் மீது செய்திகள் கொடுக்கப்பட்டுள்ளன.
தொழில்நுட்ப செய்திகள் என்றால் வெளீர் நீளம்,நிதி செய்திகள் என்றால் பச்சனி,விளையாட்டு செய்திகள் என்றால் நீளம்,உலக் செய்திகள் என்றால் சிகப்பு என செய்திகள் பல்வேறு வண்ண கட்டங்களாக தோன்றுகின்றன.அந்த வண்ணத்தில் கிளிக் செய்தால் செய்திகளூக்கான இணைப்பு தோன்றுகிறது.
எந்த பிரிவில் செய்திகள் அதிகம் உள்ளனவோ அந்த கட்டம் பெரிதாக தோன்றுகிறது.அதே போல சமீபத்திய செய்திகள் அதிகம் இருந்தால் அவற்றின் வண்ணம் மிகவும் அடர்த்தியாக தோன்றுகிறது.
விரும்பினால் ஒரே பிரிவிலான செய்திகளை மட்டும் தேர்வு செய்து பார்க்கலாம்.அதே போல அந்த நாட்டு செய்தி தேவை என தேர்வு செய்து கொள்ளும் வசதியும் இருக்கிறது.
கூகுல் செய்தி சேவையை அடிப்படையாக கொண்டு இந்த வண்ணமயமான செய்தி வழிகாட்டி உருவாக்கப்பட்டுள்ளது.
செய்திகள் சுவாரஸ்யமானதாக இருந்தால் மட்டும் போதாது செய்திகளை தெரிந்து கொள்ளும் வழியும் சுவையானதாக இருக்க வேண்டும் என நினைத்தால் இந்த வண்ணமயமான வழியை பயன்படுத்தி பார்ககலாம்.சின்னதும் பெரிதுமான பல வண்ண கட்டங்களாக செய்திகளை பார்ப்பது சுவாரஸ்யமாக தான் இருக்கிறது.
இணையதள முகவரி;http://www.newsola.com/#/us/

கூகுள் புத்தகங்களை பதிவிறக்கம் செய்ய மென்பொருள்

Posted On July 29,2012,By Muthukumar

மின்னனு புத்தகங்கள் பெரும்பாலும் பதிவிறக்கம் செய்ய அனைவரும் நாடுவது கூகுள் தளம் ஆகும். இந்த தளத்தில் உள்ள மின்னனு புத்தகங்களை பதிவிறக்கம் செய்ய எந்த ஒரு இணைப்பு சுட்டியும் இருக்காது. எனவே இந்த புத்தகங்களை நம்மால் பதிவிறக்கம் செய்ய முடியாது. கணிப்பொறி வாயிலாக காண முடியுமே தவிர பதிவிறக்கம் செய்ய முடியாது. எனினும் இந்த புத்தகங்களை விலைகொடுத்து வாங்கி கொள்ள முடியும். இதனை இலவசமாக பெற முடியாத என்றால், ஏன் முடியாது, முடியும். அதற்கு ஒரு இலவச Google Books Downloader மென்பொருள் உள்ளது. இந்த மென்பொருள் மூலமாக கூகுள் புத்தகங்களை இலவசமாகவே பதிவிறக்கம் செய்து கொள்ள முடியும். இது ஒரு இலவச மென்பொருள் ஆகும்.

மென்பொருளை தரவிறக்க சுட்டி

சுட்டியில் குறிப்பிட்ட மென்பொருளை இணையத்தின் உதவியுடன் பதிவிறக்கம் செய்து கணினியில் நிறுவிக்கொள்ளவும். பின் ஒரு முறை கணினியை மறுதொடக்கம் செய்து கொள்ளவும். பின் இந்த Google Books Downloader மென்பொருளை ஒப்பன் செய்து பதிவிறக்கம் செய்ய வேண்டிய புத்தகத்தின் முகவரியை குறிப்பிட்டு, குறிப்பிட்ட புத்தகமானது எந்த இடத்தில் சேமிக்க வேண்டும் என்பதை தேர்ந்தெடுத்து, பின் Download Book as PDF, Download Book as Image என்ற பொத்தான்களை அழுத்தி கூகுள் புத்தகத்தினை தரவிறக்கம் செய்து கொள்ளலாம்.

பின் சிலமணி நேரங்களில் நீங்கள் குறிப்பிட்ட புத்தகமானது, நீங்கள் குறிப்பிட்ட பைல் பார்மெட்டில், குறிப்பிட்ட இடத்தில் தரவிறக்கம் செய்யப்பட்டு இருக்கும்.

விண்டோஸ் 8: இன்ஸ்டலேஷன்

Posted On July 29,2012,By Muthukumar

விண்டோஸ் 8 ரிலீஸ் பிரிவியூ குறித்த தகவல்களை அளித்த பின்னர், பல வாசகர்கள் தொடர்ந்து பல முனைக் கேள்விகளை அனுப்பிக் கொண்டுள்ளனர். எல்லாருக்கும் தங்கள் கம்ப்யூட்டரில் விண்டோஸ் 8 சிஸ்டம் இன்ஸ்டால் செய்து பார்க்க ஆவல். அண்மையில் நிறுவனம் ஒன்றின் நேர்முக தேர்வுக்கு, தேர்வாளர்களில் ஒருவராக நான் சென்ற போது, மதுரை அருகே உள்ள கிராமம் ஒன்றிலிருந்து பி.இ. இறுதியாண்டு தேர்வு எழுதிய மாணவர் ஒருவரைச் சந்திக்க நேர்ந்தது. அவர் தான் கொண்டு வந்திருந்த தன் லேப்டாப் கம்ப்யூட்டரில், விண்டோஸ் 8 இன்ஸ்டால் செய்திருந்தார். அதில் விண்டோஸ் 7 சிஸ்டமும் இயங்கியது. டூயல் பூட் ஓ.எஸ். அமைத்திருப்பதாகக் கூறிய அவர், யு.எஸ்.பி. ட்ரைவ் ஒன்றில், விண்டோஸ் 8 வைத்திருப்பதாகவும், அதிலிருந்து தான் டூயல் பூட் முறையில், விண்டோஸ் 8 இன்ஸ்டால் செய்ததாகவும் கூறினார். மிகவும் நம்பிக்கையுடன் தன் புரோகிராம்களை இயக்கிக் காட்டினார்.
இதோ, நம் வாசகர்கள் அனைவருக்கும் டூயல் பூட் முறையில், ஒரு யு.எஸ்.பி. ட்ரைவிலிருந்து எப்படி விண்டோஸ் 8 இன்ஸ்டால் செய்வது என்று பார்க்கலாம்.
1. முதல் படி: முதலில் விண்டோஸ் 8 மற்றும் விண்டோஸ் 7 யு.எஸ்.பி./டி.வி.டி. டூலினை தரவிறக்கம் செய்திடவும். இதற்கான தளங்களின் முகவரிகள் :http://www.tech spot.com/downloads/5330windows8releasepreview.html மற்றும் http:// www.techspot. com/downloads/4911windows7usbdvddownloadtool.html. உங்களுக்கு விண்டோஸ் 8 தொகுப்பின் எந்த வெர்ஷன் (64 பிட் அல்லது 32 பிட்) தரவிறக்கம் செய்திட வேண்டும் என்ற குழப்பம் இருந்தால், உங்கள் கம்ப்யூட்டர் அண்மையில் வாங்கப்பட்டிருந்தால், 64 பிட் பதிப்பினையே செய்திட பரிந்துரைக்கிறேன். இரண்டு பிட் பதிப்புகளுக்கிடையே என்ன வேறுபாடு என அறிந்து கொள்ள ஆர்வமும், நேரமும் இருப்பவர்கள், http://www.techspot. com/ news/ 35624techtipoftheweekshouldyouinstallwindows732bitor64bit.html என்ற முகவரியில் உள்ள தளத்தில் தரப்பட்டுள்ள வழி காட்டுதல்களைப் படிக்கலாம். வேறுபாடுகளும் புரியும்.
சுருக்கமாகச் சொல்வதென்றால், விண்டோஸ் 8 சிஸ்டத்தின் 64 பிட் பதிப்பிற்கு, 1 ஜிபி ராம் கூடுதலாகத் தேவைப்படும். ஸ்டோரேஜ் அதற்கென 4 ஜிபி வேண்டும். இது அநேகமாக பலர் பயன்படுத்தும் கம்ப்யூட்டர்களில் இருக்கும்.
2. இரண்டாம் படி: பூட் செய்யக்கூடிய விண்டோஸ் 8 யு.எஸ்.பி. ட்ரைவினைத் தயார் செய்திடவும். இதற்கு 4 ஜிபிக்கும் அதிகமான கொள்ளளவு உடைய யு.எஸ்.பி. ப்ளாஷ் ட்ரைவ் ஒன்றினை, கம்ப்யூட்டரில் அதற்கான ட்ரைவில் இணைக்கவும். இப்போது தரவிறக்கம் செய்த Windows 7 USB/DVD டூலை இன்ஸ்டால் செய்திடவும். இந்த டூல் செயல்படத் தொடங்கியவுடன், பிரவுஸ் செய்து, உங்களின் யு.எஸ்.பி. ட்ரைவ் மற்றும் நீங்கள் தரவிறக்கம் செய்த விண்டோஸ் 8 ஐ.எஸ்.ஓ. பைலைக் கண்டறிய முடியும். இச்செயல்பாட்டின் போது உங்கள் யு.எஸ்.பி. ட்ரைவில் உள்ள அனைத்து பைல்களும் அழிக்கப்படும் என்பதால், முக்கிய அல்லது அனைத்து பைல்களுக்கும் பேக் அப் காப்பி எடுத்து வைத்துக் கொள்ள வேண்டும். பேக் அப் காப்பி எடுக்க, உங்கள் யு.எஸ்.பி. ட்ரைவ் வேகத்தைப் பொறுத்து 5 நிமிடங்கள் முதல் 10 நிமிடங்கள் வரை ஆகலாம்.
3.மூன்றாம் படி: விண்டோஸ் 8 ரிலீஸ் பிரிவியூ இன்ஸ்டால் செய்திடலாம். இதற்கான கீ (key: TK8TP9JN 6P7X7 WWRFFTVB7QPF) உங்கள் கம்ப்யூட்டரில் உள்ள பைல்களில் தேவையானதை, அல்லது அனைத்தையும் பேக் அப் எடுத்து வைத்துக் கொள்வது நல்லது. இந்த முன் எச்சரிக்கை நடவடிக்கையினை நீங்கள் ஏற்கனவே எடுத்திருப்பீர்கள் என எண்ணுகிறேன். உங்கள் கம்ப்யூட்டரில் உள்ள விண்டோஸ் எக்ஸ்பி, விஸ்டா அல்லது விண்டோஸ் 7 சிஸ்டத்தின் மீதே நீங்கள் மீண்டும் சிஸ்டம் அமைப்பதாக இருந்தாலோ, அல்லது அப்கிரேட் செய்வதாக இருந்தாலோ, உங்கள் யு.எஸ்.பி. ட்ரைவின் ரூட் டைரக்டரியைத் திறந்து, அதில் உள்ள Setup.exe பைலை இயக்கவும்.
இதில், விண்டோஸ் 7 பயனாளர்கள், எந்தவிதப் பிரச்னையும் இல்லாமல், அப்கிரேட் செய்யப்படுவதனை உணர்வீர்கள். ஏனென்றால், புரோகிராம்கள், விண்டோஸ் செட்டிங்ஸ், யூசர் அக்கவுண்ட்ஸ் மற்றும் பைல்கள் அனைத்தும் இம்போர்ட் செய்யப்படும். ஆனால், விண்டோஸ் 8, விஸ்டாவிலிருந்து புரோகிராம்களை சேவ் செய்திடாது. அதே போல விண்டோஸ் எக்ஸ்பியிலிருந்தும் புரோகிராம்கள் சேவ் செய்யப்பட மாட்டாது.
உங்கள் கம்ப்யூட்டரில் இயங்கிக் கொண்டிருக்கும் சிஸ்டத்துடன், விண்டோஸ் 8 சிஸ்டத்தினை டூயல் பூட் ஆக அமைக்க திட்டமிட்டால், நீங்கள் இன்னொரு ஸ்டோரேஜ் சாதனத்தினை இன்ஸ்டால் செய்திட வேண்டும்; அல்லது புதிய பார்ட்டிஷன் ஒன்றை உருவாக்க வேண்டும். புதிய பார்ட்டிஷனை உருவாக்க சற்று கூடுதல் முயற்சிகளை மேற்கொள்ள வேண்டியதிருக்கும். விஸ்டா மற்றும் விண்டோஸ் 7 சிஸ்டம் இயக்குபவர்களுக்கு இது எளிதாக இருக்கலாம். இந்த சிஸ்டத்தில் உள்ள Windows’ Disk Management application என்ற (Start > search for Disk Management) அப்ளிகேஷனைப் பயன்படுத்தலாம். இந்த அப்ளிகேஷன் லோட் ஆனவுடன், உங்கள் ஆப்பரேட்டிங் சிஸ்டத்தின் ட்ரைவினைக் காணலாம். கீழ்க்காணும் முறையில் செயல்படவும்:
* எந்த ட்ரைவில் விண்டோஸ் 8 அமைக்க விரும்புகிறீர்களோ, அதில் ரைட் கிளிக் செய்திடவும். இங்கு “Shrink Volume” என்பதைத் தேர்ந்தெடுக்கவும். (விண்டோஸ் 8 சிஸ்டத்தின் 64 பிட் பதிப்பிற்குக் குறைந்தது 20 ஜிபி இடம் தேவைப்படும் என்பதால், அதற்கேற்ப ட்ரைவ் தேர்ந்தெடுக்கவும்.)
* தொடர்ந்து, “Unallocated” என்பதில் ரைட் கிளிக் செய்திடவும். இங்கு “New Simple Volume” என்று ஒன்றை உருவாக்கவும்.
* இவ்வகையில் கிடைக்கும் ட்ரைவ் எழுத்தைத் தேர்ந்தெடுத்து, அதனை quick format முறையில் பார்ட்டிஷன் செய்திடவும். இதனை NTFS பார்மட் பைல் வகையில் பார்ட்டிஷன் செய்வது அவசியம்.
இந்த ட்ரைவ் வால்யூமிற்கு ஏதேனும் ஒரு பெயர் கொடுக்கலாம். விண்டோஸ் 8 எனப் பெயர் கொடுப்பது, நமக்கு அதனை எளிதாக அடையாளம் காட்டும். விண்டோஸ் எக்ஸ்பி பயன்படுத்துபவர்கள், Partition Logic போன்ற ஏதேனும் ஒரு தர்ட் பார்ட்டி டூல் மூலம், ட்ரைவ் பார்ட்டிஷன் செய்வது நல்லது. இந்த வழியிலும் மேலே கூறப்பட்ட அதே வழிகளையே பின்பற்ற வேண்டியதிருக்கும். ஒரு வால்யூம் ட்ரைவினைச் சுருக்கி, இன்னொன்றை உருவாக்க வேண்டும். இவ்வாறு உருவாக்கிய பின்னர், மைக்ரோசாப்ட் இன்ஸ்டலேஷன் புரோகிராம் உங்களை எளிதாக வழி நடத்தும். விண்டோஸ் 8 யு.எஸ்.பி. ட்ரைவினை இயக்கி, custom installation என்பதனைத் தேந்தெடுக்கவும். புதியதாய் நீங்கள் உருவாக்கிய பார்ட்டிஷனைத் தேர்ந்தெடுக்கவும்.
உங்கள் யு.எஸ்.பி. ட்ரைவினை இயக்குவதில் சிக்கல் இருந்தால், பயாஸ் செட் அப்பில், உங்கள் சிஸ்டம் ட்ரைவிற்கு முன்னால், யு.எஸ்.பி. ட்ரைவினை அமைக்க வேண்டியதிருக்கும். பூட் ஆப்ஷன்ஸ் பகுதியில் இதனை அமைக்கலாம். சரி, விண்டோஸ் 8 சிஸ்டம் அமைத்த பின்னர், அது தேவை இல்லை என நீங்கள் எண்ணினால், நீக்குவதும் எளிதாக அமையும்.
உங்களுடைய முதன்மை ஆப்பரேட்டிங் சிஸ்டத்தில் நுழைந்து, பார்ட்டிஷன் சாப்ட்வேர் புரோகிராமினை இயக்கவும். விஸ்டா மற்றும் விண்டோஸ் 7 பயன்படுத்துபவர்கள் Disk Management இயக்க வேண்டும். பின்னர், விண்டோஸ் 8 வால்யூமினை டெலீட் செய்திடுங்கள். மீதமுள்ள பகுதியை நீக்கிய இந்த பகுதியின் நீட்சியாக மாற்றவும். விண்டோஸ் 8 நீக்கப்பட்டதால், உங்கள் பூட் லோடர் பிரச்னைகுள்ளாகி, ஒரிஜினல் ஆப்பரேட்டிங் சிஸ்டம் இயங்குவதில் சற்றே சிக்கல் ஏற்படலாம். கவலையே பட வேண்டாம். இது சின்ன பிரச்னைதான். விண்டோஸ் விஸ்டா மற்றும் 7 பயன்படுத்துபவர்கள், ஆட்டோமேடிக் ஸ்டார்ட் அப் ரிப்பேர் டூலைப் பயன்படுத்தி சரி செய்துவிடலாம்.
விண்டோஸ் எக்ஸ்பி பயன்படுத்துபவர்கள் தான் சற்று கூடுதல் சிரமத்தை எதிர் கொள்ள வேண்டியதிருக்கும். சுற்றி வளைத்து விண்டோஸ் எக்ஸ்பி சிஸ்டத்தினையே மீண்டும் பதிய வேண்டியதிருக்கலாம். இவர்கள் விளக்கமான நடைமுறைக்கு http://www. techspot.com /guides/144removingwindows7/page2.html என்ற முகவரியில் உள்ள தளத்தில் காட்டப்பட்டுள்ள வழிமுறையினைப் பின்பற்றலாம்.

பவர்பாய்ண்ட் தரும் பல வியூக்கள்

Posted on July 29, 2012 by muthukumar

பவர்பாய்ண்ட் பிரசன்டேஷன் சாப்வேர் நாம் பணியாற்ற பல்வேறு தோற்றங் களில் ஸ்லைடு களைத் தருகிறது. அவை குறித்து இங்கே காணலாம். இந்த வியூக்களைக் கா ண View மெனுவில் கிளிக் செய்து கிடைக்கும் வியூ பட்டியலில் உங் களுக்குத் தேவையானதைத் தேர்ந் தெடுத்து பயன்படுத்தலாம்.

Normal: இந்த வியூவைத் தேர்ந் தெடுத்தால் ஸ்லைட், அதன் அவுட் லைன் மற்றும் நோட்ஸ் டெக்ஸ்ட் பாக்ஸ் காட்டப்படும்.

Slide Sorter: அனைத்து ஸ்லைட்களின் சிறிய தோற்றத்தினை இந்த வியூவில் பார்க்கலாம். அதிக ஸ்லைட்கள் உள்ள பிரசன்டேஷன் ÷ஷாவில் இது மிக உதவியாய் இருக்கும். குறிப்பாக ஒரு குறிப்பிட்ட ஸ்லைடைத்தேடிப்பெறுவதில் இந்தவியூ நம் பணியை எளிதாக்கும்.

Notes Page: அப்போது நீங்கள் பார்த்துக் கொண்டிருக்கும் ஸ் லைடின் தோற்றத்தினை சிறிதா கவும் அதற்கான நோட்ஸ் பேஜி னைப் பெரிதாகவும் காட்டும். இது ஏறத்தாழ நார்மல் வியூபோ லத்தான் செயல் படும். ஆனால் ÷ஷா அவுட்லைன் கிடைக்காது.

Slide Show: வியூ மெனுவில் இந்த மெனுவினைத் தேர்ந்தெ டுத்தால் அதன் மூலம் ஸ்லைட் ÷ஷாவினை இயக்கலாம்.

Black and White: அப்போதைய ஸ்லைடின் கருப்பு வெள்ளைத் தோற் றத்தை பெரிய அளவிலும் வண்ணத் தோற்றத்தை சிறிய விண்டோ விலும் இந்த வியூவில் பார்க்கலாம். பிரசன்டேஷனின் அனைத்து வண்ணங்களையும் நாம் பார்க்க வேண்டாம் என்று எண்ணுகையி ல் இந்த வியூ உதவும். (குறிப்பு: இவற்றில் சில வியூக்கள் பவர்பாய் ண்ட் 98ல் கிடைக்காது)

வலைத்தளங்களுக்கு கூகிள் பிளஸ் share பட்டன் அறிமுகம்

• முகப்பு
• தமிழ் தளங்கள்

Posted On July 29,2012,By Muthukumar

கூகிள் தளம் இன்று அனைத்து வலைத்தள உரிமையாளர்களுக்கும் ஓர் நற்செய்தியை தந்துள்ளது. அதாவது இன்று முதல் உங்கள் தளங்களில் கூகிள் பிளஸ் ஷேர் பட்டனை பயன்படுத்தி கொள்ள முடியும்.

இந்த பட்டன் மூலம் உங்கள் பார்வையாளர்கள் தங்களின் கூகிள் பிளஸ் கணக்கின் மூலம் உங்களின் பதிவுகளை பகிர்ந்து கொள்ளும் வசதியளிக்கின்றது. இதன் மூலம் உங்களின் பதிவுகள் பலரை சென்றடைந்து வாசகர்களை அதிகரித்து கொள்ள முடியும்.

கீழே உள்ள படம் பட்டனின் மாதிரி தோற்றம் ஒன்றை காட்டி நிற்கிறது.

share  பட்டனை கிளிக் செய்தால் கூகிள் பிளஸ் தளத்தில் வெளிப்படுத்தப்படும் தோற்றத்தை கீழே உள்ள படம் காட்ட்டுகிறது. இங்கே கீழே உள்ள share என்பதை கிளிக் செய்து வாசகர்கள் அவர்களின் கூகிள் பிளஸ்் பக்கங்களில் பகிர்ந்து கொள்ள முடியும்.

இந்த share பட்டனை தங்கள் விருப்பத்துக்கு ஏற்ப தெரிவு செய்ய முடியும்.

கீழே உள்ள லிங்க் சென்று உங்களுக்கு பிடித்த தோற்றத்தினை தெரிவுசெய்து அதற்கான கோடிங் பெற்று பயன்படுத்தி கொள்ள முடியும்.

லிங்க் 

https://developers.google.com/+/plugins/share/

வெளிவந்துள்ளது கூகிள் டிரைவ் சேமிப்பு வசதி

Posted On July 29,2012,By Muthukumar

நம்முடைய கோப்புக்களை இணையத்தில் பாதுகாத்து அவற்றை எந்நேரத்திலும் பயன்படுத்தி கொள்வதற்கு இணைய சேமிப்பு வசதிகளை drop box , SKY டிரைவ்  மற்றும் பல நிறுவனங்கள் வழங்கி வருகின்றன.

தற்போது இந்த இணைய சேமிப்பு வசதியான clould storage சேவையினை இணைய உலகின் தாரக மந்திரமான கூகிள் தளம்.  google drive எனும் புதிய சேவையின் வெளியிட்டுள்ளது. 

இந்த google drive வசதி மூலம் உங்கள் கோப்புக்களை இலவசமாக சேமிக்க 5GB வரை வழங்கப்படுகிறது. மேலதிக சேமிப்பு வசதிகள் கட்டணம் செலுத்தி பெற முடியும். 

இதன் வசதிகள்

உங்களது 30 க்கும் மேற்பட்ட கோப்பு வகைகளை பாதுகாப்பாக சேமிக்க முடிவதுடன் உங்கள் கோப்புகளை எங்கிருந்தும் இணைய இணைப்பு உள்ள எந்த சாதனத்தில் இருந்தும் உங்கள் ஆவணங்களை கையாள முடியும்.

அனைத்து தேடல் வசதியினையும் தருகிறது. அதாவது கோப்புக்களின் வகைகளிற்கு ஏற்ப தேட முடியும்.

நீங்கள் விரும்பினால் உங்கள் புகைப்படங்களை google பிளசில்
பகிர்ந்து கொள்ள முடியும். மேலும் பல வசதிகளையும் தருகிறது .

இந்த லிங்க் சென்று இந்த வசதியினை நீங்கள் பெறமுடியும். 

https://drive.google.com/start#home 

இந்த லிங்க் சென்று notify என்பதை கிளிக் செய்யுங்கள். உங்கள் மெயிலுக்கு தகவல் அனுப்பப்படும் . அதன் பின்னர் பயன்படுத்த முடியும் .

உங்கள் ஓவியத்திறமையை வெளிப்படுத்த உதவும் இந்திய சமூக வலைத்தளம்

Posted On July 29,2012,By Muthukumar

ஒவ்வொருவருக்கும் ஒவ்வொரு துறையில் ஆர்வம் ,விருப்பம் அத்துடன் அந்த துறையில் திறமையும் இருக்கும். ஆனால் ஓவியக்கலையை பொறுத்தவரை பெரும்பாலும் அனைவரும் ஓவியங்களை ரசிப்பதில் ஆர்வம் உள்ளவராகவே காணப்படுகின்றனர்.

ஓவியக்கலையை ரசிப்பவர்களுக்கும், வரையும் திறமை உள்ளோருக்கும் கை கொடுத்து உதவுகிறது dhonuk.com எனும் இந்திய தளம்.

இந்த தளத்தின் மூலம் உங்களின் ஓவியங்களை வரையும் திறமையை உலகிற்கு வெளிப்படுத்த உதவுகிறது. இந்த தளத்தில் இந்தியாவை சேர்ந்த பெருமளவு ஓவிய படைப்பாளிகளின் ஓவியங்களை ரசிக்க முடிவதுடன் பரஸ்பரம் பாராட்டுக்களையும் மற்றும் கருத்துக்களையும் பரிமாறிக்கொள்ளும் வசதியும் உண்டு.

இந்த தளத்தில் நீங்கள் அங்கத்தவராக இணைந்து கொண்டு உங்கள் படைப்புகளை இந்த தளத்தில் இணைக்க முடியும்.

தளமுகவரி http://www.dhonuk.com/

கம்ப்யூட்டருக்குப் புதியவரா? – சி.டி.யில் எழுத முன்னெச்சரிக்கை டிப்ஸ்

Posted On July 29,2012,By Muthukumar

பிளாஷ் டிரைவ்கள் அதிகம் பயன்படுத்தப்பட்டாலும், இன்னும் சிடி, டிவிடி பயன்பாடு முற்றிலும் மறையவில்லை. பல சாதனங்களில் நாம் சிடிக்களையே பயன்படுத்தி வருகிறோம். மேலும் பாதுகாப்பான பயன்பாட்டினை சிடிக்கள் தருகின்றன. மேலும் இவற்றை எந்த வகையான டிஜிட்டல் சாதனங்களிலும் பயன்படுத்தலாம் என்பது ஒரு கூடுதல் சிறப்பு.
சிடிக்களைப் பொறுத்தவரை, அதில் டேட்டாக்களை எழுதுகையில்தான் அதிகக் கவனம் மேற்கொள்ள வேண்டியுள்ளது. அவற்றை இங்கு காணலாம்.
1. உங்களுடைய கம்ப்யூட்டரில் சிடி அல்லது டிவிடியில் பைல்களை எழுதுகையில் பிற புரோகிராம்கள் இயங்கிக் கொண்டிருந்தால் அவற்றை நிறுத்துவது நல்லது. ஒரே நேரத்தில் பலவகை புரோகிராம்களை இயக்குவது தான் இன்றைய ஆப்பரேட்டிங் சிஸ்டத்தின் சிறப்பு என்றாலும் மல்ட்டி மீடியா அம்சங்கள் அதிகமாகக் கொண்ட இன்டர்நெட் தளங்களை பார்த்துக் கொண்டிருக்கையில் சிடி / டிவிடிக்களில் எழுதுவது பாதிக்கப்படலாம். எனவே இன்டர்நெட் தொடர்பினையே நிறுத்திவைப்பது நல்லது. அதே போல சிபியு பயன்பாட்டினைக் குறைத்திட உங்கள் கம்ப்யூட்டரில் உள்ள பயர்வால், வைரஸ் எதிர்ப்பு புரோகிராம்களையும் நிறுத்தி வைப்பது நல்லது. இல்லை என்றால் நிச்சயமாக பபர் அன்டர் ரன் என்ற பிரச்னை சிடி எழுதும் பணியில் எதிர்கொள்ள நேரிடும். கூடுதல் இயக்கங்கள் சிடியில் எழுதுவதைத் தடுக்காது என்றாலும், பல சிக்கல்கள் ஏற்படுவதை நிறுத்தும்.
2. நீங்கள் பயன்படுத்தும் பர்னிங் சாப்ட்வேர் தொகுப்பினைத் தந்துள்ள நிறுவனத்தின் இணைய தளம் சென்று அதில் புதியதாக ஏதேனும் டிரைவர்கள் போட்டிருந்தால் அவற்றை இறக்கிப் பதிந்து கொள்வது நல்லது.
3. சிடி / டிவிடிக்களில் பைல்களை எழுத வெவ்வேறு பர்னிங் சாப்ட்வேர் தொகுப்புகளைப் பயன்படுத்துவது நல்லது. விண்டோஸ் தொகுப்பில் ஒன்று இணைந்தே கிடைக்கிறது. இது தவிர இலவசமாக பல கிடைக்கின்றன. அவை :
* Acoustica http://www.acoustica.com/
* Nero http://www.nero.com/
* NTI Software http://www.ntius.com/
* Roxio http://www.roxio.com/
இவை சிடிக்களிலும் கிடைக்கின்றன. இவற்றையும் அவ்வப்போது பயன்படுத்துவது நல்லது. எது உங்களுக்கு எளிதாகவும் உகந்ததாகவும் தோன்றுகிறதோ, அவற்றை அடிக்கடி பயன்படுத்தலாம்.
4. ஒரு சிடி / டிவிடியில் எழுத அது தாங்கிக் கொள்ளும் அதிகபட்ச வேகம் என்னவென்று அந்த சிடியில் இருக்கும். அதைக் காட்டிலும் சிறிது குறைவான வேகத்தில் பைல்களை எழுதவும். இவ்வாறு எழுதும் வகையில் உங்களின் பர்னிங் சாப்ட்வேர் அமைக்கப்படும் வசதியினைப் பெற்றிருக்க வேண்டும்.
5.உங்களுடைய பர்னிங் சாப்ட்வேரில் அன்டர் ரன் பாதுகாப்பு உள்ளதா என்பதனை உறுதி செய்து கொள்ளவும். சிடி / டிவிடியில் தகவல் எழுதப்படுகையில் அந்த வேகத்திற்கு ஈடு கொடுக்கும் வகையில் ஆப்பரேட்டிங் சிஸ்டம் தொடர்ந்து தகவல்களை அனுப்பிக் கொண்டே இருக்க வேண்டும். அப்படி இல்லாதபோது தான் இந்த அன்டர் ரன் பிரச்னை வரும். இதனைச் சமாளித்திடும் நிலையில் பர்னிங் சாப்ட்வேர் இருக்க வேண்டும். இல்லை என்றால் சிடி / டிவிடி கரப்ட் ஆகிவிடும்.
6. பல பர்னிங் சாப்ட்வேர் தொகுப்புகளில் பைல்களை எழுதி முடித்த பின்னர் தகவல்கள் சரியாக எழுதப்பட்டுள்ளனவா என சோதித்து அறியும் டேட்டா வெரிபிகேஷன் என்னும் வழிமுறை தரப்பட்டிருக்கும். இதன் மூலம் எந்தவிதமான பிழைகளும் இல்லாமல் சிடி/டிவிடிக்கள் எழுதப்பட்டுள்ளனவா என்பதனை உறுதி செய்து கொள்ளலாம். இருப்பினும் இது 100% உறுதிதானா என்பதனை உறுதியாகக் கூற முடியாது. நாட்கள் செல்லச் செல்ல இவை பயனற்றுப் போக வாய்ப்புண்டு. எனவே பைல்களை பேக்கப் எடுப்பதாக இருந்தால் ஒன்றுக்கு மேற்பட்ட சிடி / டிவிடி காப்பிகள் எடுப்பது நல்லது. அல்லது வேறு ஹார்ட் டிஸ்க்குகளில் பதிந்து வைப்பதுவும் நல்லது.
7.மொத்தமாக சிடி/டிவிடிக்களை சொற்ப விலைக்கு வாங்கிப் பயன்படுத்துவது அந்த நேரத்திற்கு காசை மிச்சம் பண்ணும். ஆனால் காசைக் காட்டிலும் அதிக மதிப்புள்ள தகவல்கள் அடங்கிய பைல்கள் கிடைக்காமல் போய்விடும். எனவே நல்ல நிறுவனங்களின் பெயர்களில் வரும் சிடி/டிவிடிக்களையே பயன்படுத்தவும்.
8. சிடியில் எழுதி முடித்த பின் ஐ.எஸ்.ஓ. பைல் குறித்து ஒரு கேள்வி கேட்கப்படும். நாம் இது என்ன அறியாமலேயே தவிர்த்துவிடுவோம். ஒரு சிடி / டிவிடியில் உள்ள அனைத்து பைல்களின் அடங்கலை ஒரு தோற்றமாகத் தரும் பைல் ஐ.எஸ்.ஓ. பைல் ஆகும். பர்னிங் சாப்ட்வேர் தொகுப்புகள் இந்த பைல்களை நேரடியாக எடுத்துக் கொண்டு அப்படியே சிடி / டிவிடிக்களில் எழுதும் திறன் கொண்டவை. ஒரு சிடி /டிவிடி யில் உள்ள தகவல்களை இன்டர்நெட் வழியே தருவதற்கு இந்த வகை பைல்கள் ஏற்றவை. எடுத்துக்காட்டாக மைக்ரோசாப்ட் நிறுவனம் தன்னுடைய ஆப்பரேட்டிங் சிஸ்டத்தினை இந்த வகையிலேயே இன்டர்நெட் வழி தந்தது. பைல்களைச் சுருக்குவதற்கு ZIP மற்றும் RAR போன்ற பைல்கள் இருந்தாலும் இவற்றை விரித்துப் பின்னர் தான் சிடி/டிவிடிக்களில் பதிய முடியும். ஆனால் ஐ.எஸ்.ஓ. பைல்களை பர்னிங் சாப்ட்வேர் தொகுப்புகளே விரித்துப் பதிந்து கொடுக்கும்.

ஈஸி இமேஜ் எடிட்டர்.

Posted On July 29,2012,By Muithukumar

புகைப்படங்களை வேண்டியவாறு மாற்ற என்னற்ற சாப்ட்வேர்கள் இருந்தாலும் மிக சிறிய அளவில் சிறப்பான பணியினை இந்த ஈஸி இமேஜ் எடிட்டர் சாப்ட்வேர் செய்கின்றது. இதனை பதிவிறக்கம் செய்ய இங்கு கிளிக் செய்யவும்.உங்களுக்கு கீழ்கண்ட விண்டோ ஓப்பன் ஆகும். இதில் உள்ள லோடு இமேஜில் உங்களிடம் உள்ள புகைப்பட பைல்களையோ போல்டர்களையோ தேர்வு செய்யுங்கள்.

இதில் editing,more,saving என மூன்று ஆப்ஷன்கள் கொடுக்கப்பட்டிருக்கும். இதில் edit கிளிக் செய்ய உங்களுக்கு உங்களுடைய புகைப்படத்தினை அளவுகளை மாற்றவோ - ரோடேட் செய்யவோ முடியும். மேலும் நீங்கள் விரும்பிய வாட்டர் மார்க்கையும் இதில் இணைக்க முடியும்.கீழே உள்ள விண்டோவில் பாருங்கள்.

அதனைப்போலவே இதில் உள்ள More ஆப்ஷனை கிளிக் செய்ய புகைப்படங்களின் வரிசைகளை மாற்றுவதுடன் இதில் உள்ள தேதிகளையும் மாற்றமுடியும். மேலும் இதில் உள்ள Save ஆப்ஷனை கிளிக் செய்ய புகைப்படங்களின் பார்மெட்டினை மாற்ற முடியும். புகைப்படத்திற்கு பெயர்மாற்றம் செய்வது என பல பணிகளை இதில் செய்யலாம்.கீழே உள்ள விண்டோவில் பாருங்கள்.

நீங்கள் தேர்வு செய்யும் புகைப்டங்களின் ப்ரிவியு இதன் அருகிலேயே நமக்கு தெரிவது இந்த சாப்ட்வேரின் கூடுதல் சிறப்பாகும்.மொத்தமாக பைல் பார்மெட் மாற்றுபவர்களுக்கும்-புகைப்படங்களின் அளவுகளை மொத்தமாக குறைப்பதற்கும் இந்த சாப்ட்வேர் பெரிதும் உதவும். பயன்படுத்திப்பாருங்கள். கருத்துக்களை கூறுங்கள்.

வர இருக்கும் தொழில் நுட்ப மாற்றங்கள்

Posted On July 28,2012,By Muthukumar

அடுத்த 10 ஆண்டுகளில் கம்ப்யூட்ட ரில் என்ன மாற்றங்கள் வரும். இன்றைய தொழில் நுட்ப வளர்ச்சி யின் அடிப்படையில் கணித்த சில எதிர்பார்ப்புகளை இங்கு காணலாம்.
1. அதிக இடத்தை எடுத்துக் கொண்டு, மெதுவாகவும், சூடாகவும் இயங்கும் சிலிகான் நீக்கப்படும். கம்ப்யூட்டரின் புதிய கட்டமைப்பில் குறைவான அளவில் எலக்ட்ரான்களும் அதிக அளவில் ஆப்டிகல் இழைகளும் பயன்படும். ஆப்டிகல் கம்ப்யூட்டர்கள் வரும் நாள் வெகு தொலைவில் இல்லை.
2. கம்ப்யூட்டர்கள் திருடு போகாது. பயோமெட்ரிக் பயன்பாடு பரவலாகி, கைரேகைகளுக்கு மட்டுமே கம்ப்யூட்டரின் கதவு திறக்கும்.
3. கீ போர்டுகள் ஓரம் கட்டப்படும். டச் ஸ்கிரீன் இப்போதே வந்துவிட்டது. இனி சைகை மூலம் நாம் கம்ப்யூட்டரையும், சாப்ட்வேர் அப்ளிகேஷனையும் இயக்க லாம். அடுத்ததாக நம் குரல் மூலமே அனைத்தையும் இயக்கும் வழிகள் கண்டறியப்படும்.
4. கம்ப்யூட்டர்கள் கையடக்க சாதனமாக மாறும். அலுவலகத்தில் டெஸ்க்குகளில் உள்ள இணைப்புகளில் இணைத்த பின்னர், டாப்பில் உள்ள பெரிய திரைகளில் கம்ப்யூட்டர் இயங்குவதைப் பார்க்கலாம். எனவே டெஸ்க்டாப் கம்ப்யூட்டர் இனி டெஸ்க்கில் உள்ள டாப் கம்ப்யூட்டராக இயங்கும்.
5.வீடுகளில் உள்ள கம்ப்யூட்டர்கள் நமக்காக, நம் பெர்சனல் தேவைகளுக்காக இயங்கும். நாம் அலுவலகத்திலிருந்து வந்தவுடன் நம்மை ஓய்வெடுக்கச் சொல்லி, நமக்காக சாதனங்களை இயக்கும். சமையல், வாஷிங், டிவி, ஏர்கண்டிஷனர் இயக்கம் ஆகியவற்றைக் கம்ப்யூட்டரே பார்த்துக் கொள்ளும்.
6. டிவிடிக்கள் பல டெராபைட்டுகள் கொள்ளளவினைக் கொண்டிருக்கும். பிளாஸ்டிக் பிளாட்டர் படு வேகத்தில் சுழலும். ஹோலோ கிராபிக் தொழில் நுட்பத்தில் எழுதுவதற்கு ஒரு பக்கத்தில் ஒரு லேசரும், இன்னொரு பக்கத்தில் இன்னொன்றுமாக இயங்கும்.
7.இப்போதிருக்கும் சிபியு அப்படியே இருக்கும். ஆனால் எலக்ட்ரானிக் மைக்ரோ ப்ராசசருக்குப் பதிலாக ஆப்டோ எலக்ட்ரானிக் இன்டக்ரேய்டட் சர்க்யூட் அமைக்கப்படும். இதனை ஸ்விட்ச் ஆன் செய்திட சிலிகான் இருக்கும். ஆனால் மற்ற இயக்கவேலைகளை ஆப்டிக்ஸ் பார்த்துக் கொள்ளும். தற்போது கிடைக்கும் இயக்க வேகத்தினைக் காட்டிலும் 100 மடங்கு அதிக வேகத்தில் சிபியு இயங்கும்.
8. இனி ராம் மெமரி ஹோலோகிராபிக் ஆக இருக்கும். இது முப்பரிமாணம் உடையதால், எத்தனை அடுக்குகளையும் இது கொள்ளும். எனவே கொள்ளளவு கற்பனையில் எண்ண முடியாத அளவில் அமையும்.
9.இன்டெல் நிறுவனத்தின் புதிய ப்ராசசர் கள் எண்ணிப் பார்க்க இயலாத வேகத்தில் செயல்படும்.
10. இன்டர்நெட் டிவி புழக்கம், கம்ப்யூட்டருடன் இணைக்கப்படும் டிவி, ஸ்மார்ட் போன், பல மானிட்டர்களுடன் இயங்கும் கம்ப்யூட்டர், புளு ரே டிவிடி, விண்டோஸ் புதிய சிஸ்டம் தரும் முழு பயன்பாடு, நம் வேலைகளுக்கேற்ப இயக்க வேகத்தை மாற்றிக் கொள்ளும் சிப் என வரும் ஆண்டுகளில் முற்றிலும் புதிய தொழில் நுட்பங்கள் வர இருக்கின்றன.

வருகிறது இண்டெர்நெட்டுக்கு ஒரு சங்கம்.

Posted On July 28,2012,By Muthukumar

விரைவில் வருகிறது என்னும் அறிவிப்போடு இண்டெர்நெட் சங்கம் உருவாக்கப்பட்டிருப்பதற்கான அறிவிப்பு வெளியாகி இருக்கிறது.
இண்டெர்நெட் சங்கத்திற்காக அமைகப்பட்டுள்ள இணையதளத்தில் தான் இந்த அறிவிப்பு வெளியாகி இருக்கிறது.
இணையத்தின் ஒன்று பட்ட குரலை எழுப்புவதற்காக முன்னணி இணைய நிறுவனங்கள் ஒன்றிணைந்து இந்த சங்கத்தை உருவாக்கியுள்ளன.முன்னணி நிறுவனங்களின் பெயர்கள் குறிப்பிடப்படாவிட்டாலும் கூகுல்,அமேசான்,இபே,பேஸ்புக் உள்ளிட்ட நிறுவனங்கள் இதன் பின்னே இருப்பதாக கருதப்படுகிறது.
செப்டம்பர் மாதம் முதல் செயல்பட உள்ள இந்த சங்கத்தின் உறுப்பினர் நிறுவனங்கள் பெயர்கள் வெளியிடப்படவில்லையே தவிர இந்த அமைப்பின் தலைவர் அறிவிக்கப்பட்டுள்ளார்.மைக்கேல் பெக்கர்மேன் என்பவர் இதன் தலைவராக அறிவிக்கப்பட்டுள்ளார்.
இணைய சுதந்திரத்தின் மீதான தாக்குதல் அதிகரித்து வரும் நிலையில் இந்த சங்கம் உருவாக்கப்பட்டுள்ளது குறிப்பிடத்தக்கது.
அமெரிக்கா உள்ளிட்ட பல நாட்டு அரசுகள் இண்டெர்நெட்டை கட்டுபடுத்தக்கூடிய சட்டங்களை கொண்டு வர முயல்கின்றன.இணைய சுதந்திரத்தை முடக்க கூடிய சோபா சட்டம் முன் வைக்கப்பட்ட போது இனையவாசிகள் கருப்பு கொடி ஆர்ப்பாட்டம் எல்லாம் நடத்து அதனை நிறுத்தி வைக்க வேண்டியிருந்தது.
இத்தகைய தாக்குதல் தொடரும் என அஞ்சப்படுவதால் இணையசுதந்திரத்தையும் அதனை ஆதாரமாக கொண்டுள்ள இனைய நிறுவனங்களையும் காப்பதற்கான அமைப்பின் தேவை உணரப்பட்டிருப்பதில் வியப்பில்லை தான்.
வாஷிங்டன்னில் நமது குரல் ஒலிக்க வேண்டியது மிகவும் அவசியம் என இந்த அமைப்பு தனது அறிவிப்பில் குறிப்பிட்டுள்ளது.
அமெரிக்காவில் எல்லாமே லாபி எனப்படும் குழுக்களின் ஆதிக்கத்தால் தான் நடக்கிறது.அரசின் கொள்கை முடிவில் மாற்றத்தை ஏற்படுத்த வேண்டும் என்றால் அரசு தரப்பில் அந்த கோரிக்கையை கொண்டு செல்ல ஆதரவாளர்கள் இருக்க வேண்டும்.
இண்டெர்நெட் சங்கம் இத்தகைய சக்தியாக இருக்க விரும்புகிறது.
கட்டுப்பாடற்ற சுதந்திரமான இணையத்தை பாதுகாக்க தேவையான கொளகை முடிவுகளை உருவாக்குவதே எங்கள் நோக்கம் என்று இந்த அமைப்பு குறிப்பிட்டுள்ளது.
இண்டெர்நெட்டுக்கு இப்போது தான் சங்கம் அமைக்கப்படுகிறது என்பதை நினைத்தால் வியப்பபாக இருக்கிறது.
இந்தியாவில் இண்டெர்நெட் சார்ந்த அமைப்புகள் பல இருக்கின்றன.
இணைய சேவை வழங்கும் நிறுவனங்களுக்கு என்று ஒரு சங்கம் இருக்கிறது.இண்டெர்நெட் மையங்களுக்கு என்று ஒரு சங்கம் இருக்கிறது.
————
http://internetassociation.org/

வேர்ட் 2003 டிப்ஸ்

Posted On July 27,2012,By Muthukumar

வேர்ட் பாரா பார்மட்டிங்
வேர்ட் டாகுமென்ட் ஒன்றில் ஒரு பாரா முழுவதும் ஏதேனும் மாற்றங்களை மேற்கொள்ள முடிவு செய்கிறீர்களா? முழு பாராவின் வரிகளுக்கிடையேயான இடைவெளியை அதிகப்படுத்தவோ, குறைக்கவோ விரும்புகிறீர்களா? பாரா இன்டென்ட் எதனையேனும் மாற்ற விரும்புகிறீர்களா? இடது, வலது, நடு என பாரா இணையாக அமைவதை மாற்றி அமைக்க எண்ணமா? இதற்கெல்லாம் முழு பாராவினையும் நீங்கள் செலக்ட் செய்திட வேண்டியதில்லை. பாராவில் ஒரு சிறு பகுதியை செலக்ட் செய்து, தேவையான மாற்றத்திற்கான கட்டளையைத் தரவும். அது அப்படியே பாரா முழுவதும் மேற்கொள்ளப்படும்.

எளிதில் பைல் பெற்றுத் திறக்க
வேர்ட் தொகுப்பில் பைல் ஒன்றைத் திறக்க Open மெனுவில் கிளிக் செய்கிறோம். அந்த விண்டோவில் கிடைக்கும் பட்டியலில் அனைத்து டாகுமென்ட் பைல்களும் கிடைக்கின்றன. ஆனால் நாம் விரும்பும் பைலை, இந்தக் குவியலில் தேடி எடுக்க நேரமாகிறது. இதனைத் தவிர்க்க என்ன செய்யலாம்? இதற்கான சுருக்கு வழி ஒன்று உள்ளது.
வேர்ட் Open டயலாக் பாக்ஸைத் திறந்து காட்டி, அதன் கர்சர், File Name என்ற கட்டத்தில் நிற்கிறது. நீங்கள் N என்ற எழுத்தில் தொடங்கும் டாகுமெண்ட் பைல்களின் பட்டியலை மட்டும் பெற விரும்பினால், N*.doc என டைப் செய்து என்டர் தட்டவும். உடன், அந்த ட்ரைவில் உள்ள டைரக்டரிகள், அல்லது போல்டர்கள் முதலாவதாகவும், பின்னர் N என்ற எழுத்தில் தொடங்கும் பைல்கள் அடுத்ததாகவும் கிடைக்கும். இனி இதில் நீங்கள் விரும்பும் பைலைத் தேர்ந்தெடுத்து திறக்கலாம். அதிக பைல்களை ஒரு போல்டரில் வைத்திருக்கையில் இந்த கட்டளை உங்களுக்குப் பயன் தரும். டாகுமென்ட் பைல்கள் மட்டுமின்றி, வேறு எக்ஸ்டன்ஸ்கள் கொண்ட பைல்களையும் பட்டியலிட்டுக் கேட்கலாம். எடுத்துக்காட்டாக, டெக்ஸ்ட் பைல் ஒன்றைத் திறக்க வேண்டும் எனில் பொதுவாக *.txt எனக் கொடுத்துப் பெறலாம். இந்த வகைப் பைல்களில் கு என்ற எழுத்தில் தொடங்கும் பைல் மட்டும் வேண்டும் எனில், S*.txt என டைப் செய்து பட்டியலைப் பெறலாம்.

பக்க எண்கள் சொற்களாக
வேர்ட் தொகுப்பில் உருவாக்கப்பட்ட டாகுமென்ட்களில் பக்க எண்களை எளிதாக இடுகிறோம். மெனு பாரில் சென்று இன்ஸெர்ட் கிளிக் செய்து Page Numbers தேர்ந்தெடுத்தால் கிடைக்கும் மெனுவில் நம் விருப்பப்பட்ட இடத்தில் பக்க எண்கள் தோன்றும்படி செய்துவிடலாம். இந்த பக்க எண்கள் இலக்கங்களாகத் தான் இருக்கும். இவற்றை எண்களுக்கான சொற்களாக வைத்துக் கொள்ளச் சிலருக்கு ஆவலாக இருக்கும். அந்த ஆசையைப் பூர்த்தி செய்திட கீழ்க்கண்டபடி செயல்படவும்.
1. வழக்கம்போல பக்க எண்களை இணைக்கவும்.
2. அதன் பின் பக்க எண்ணுக்குரிய பீல்டைத் தேர்ந்தெடுக்க வேண்டும். இதற்கு பக்க எண் அருகே கர்சரைக் கொண்டு சென்று இருமுறை கிளிக் செய்திடவும். பக்க எண் பேஜ் ஹெடர் அல்லது புட்டரில் தான் இருக்கும். இப்போது அந்த இடம் முழுவதும் தேர்ந்தெடுக்கப்பட்டு புள்ளிகள் கொண்ட கோடுகளால் கட்டம் கட்டப்பட்டு காட்டப்படும். இதில் எண் இருக்கும்.
3. இனி இந்த எண்ணுக்கான பீல்டைத் தேர்ந்தெடுக்க வேண்டும். அது எங்கே இருக்கிறது என்று கேட்கிறீர்களா? இந்த எண் அருகே கர்சரைக் கொண்டு சென்று ஷிப்ட்+எப்9 அழுத்தவும். எண்ணுக்கான பீல்டு கிடைக்கும். பீல்டு தேர்ந்தெடுக்கப்பட்டு கிரே கலரில் காட்டப்படும். பீல்டில் PAGE என்று தெரியும். இது தான் அதனுடைய குறியீடு.
4. இனி இந்த குறியீட்டிற்குப் பதிலாக \* CardText என டைப் செய்திடவும்.
5. பின் மீண்டும் எப்9 கீ அழுத்தினால் எண் இலக்கமாக இருப்பது மாற்றம் பெற்று எழுத்தில் கிடைக்கும். எடுத்துக்காட்டாக முதல் பக்கத்தில் 1 என்பதற்குப் பதிலாக One என இருக்கும்.

Advanced SystemCare v6.1 புதிய பதிப்பு டவுன்லோட் செய்ய

Posted On July 27,2012,By Muthukumar

ஒவ்வொரு கணினியிலும் கட்டாயம் இருக்க வேண்டிய மென்பொருட்களின் பட்டியல் போட்டால் iobit நிறுவனத்தின் Advanced SystemCare மென்பொருளுக்கு அதில் முக்கிய இடமுண்டு. கணினிகளில் உள்ள தேவையில்லாத பைல்களை நீக்குவதோடு மட்டுமல்லாமல் Disk Defragment, Malware Removal, Registry Fix போன்ற ஏராளமான வசதிகள் உள்ளதால் இந்த மென்பொருள் ஒவ்வொரு கணினிக்கும் இன்றியமையாத ஒன்றாகும்.

இப்பொழுது இந்த மென்பொருளில் சில மாற்றங்களை செய்து புதிய பதிப்பாக Advanced SystemCare v6.1 என்ற பதிப்பை வெளியிட்டு உள்ளனர் iobit நிறுவனத்தினர். இந்த புதிய வெர்சனில் முக்கிய மாற்றமாக மென்பொருளின் தோற்றத்தை முற்றிலும் மாற்றி பார்ப்பவர்களை கவரக்கூடிய வகையில் கொடுத்துள்ளனர்.

மேலும் மென்பொருளில் தொழில் நுட்ப ரீதியாகவும் பல மாற்றங்களை செய்துள்ளதால் மென்பொருள் முன்பை விட தற்பொழுது சிறந்து விளங்கும்.

இந்த மென்பொருள் தற்பொழுது பீட்டா நிலையில்(சோதனை பதிப்பு) வெளியிட்டு உள்ளனர். ஆகவே இந்த மென்பொருள் மூலம் சில பிரச்சினைகள் ஏற்படவும் வாய்ப்பிருக்கிறது. ஆகவே தேவையானவர்கள் மட்டும் கீழே உள்ள லிங்கில் சென்று மென்பொருளை டவுன்லோட் செய்து கொள்ளுங்கள். 

Download - Advanced SystemCare 6.1 (beta)

ஒரு பதிவு ஒன்பது பலன்கள்

சில சமயங்களில் ஒரு பதிவை எழுத நினைக்கும் போது இவ்வளவு சிறியதாக உள்ளதே இதை ஒரு பதிவாக எழுத வேண்டுமா என்று நினைத்தது உண்டு. அப்படி நினைத்தவற்றை தொகுத்து ஒரே பதிவாக இங்கே தந்துள்ளேன்.

1. Photoshop க்கு ஐந்து மாற்று மென்பொருட்கள்

நாம் அடிக்கடி பயன்படுத்தும் மென்பொருளான போட்டோஷாப் நமக்கு இலவசமாக கிடைப்பது இல்லை. போட்டோஷாப்பில் நாம் செய்யும் வேலைகளை மற்ற பல மென்பொருட்கள் மூலமும் நம்மால் செய்ய இயலும். அவை,

1. GIMP
2. GimpShop
3. Krita
4. Paint.net
5. CinePiant

2. Non-Market Android Apps-களை இன்ஸ்டால் செய்வது எப்படி? 

Android அலைபேசிகளை பயன்படுத்தும் அனைவரும், பயன்பாடுகளை Google Play-யில் இருந்து மட்டுமே தரவிறக்கம் செய்து இருப்போம். வேறு இடத்தில் இருந்து தரவிறக்கம் செய்தவற்றை பயன்படுத்த கீழே உள்ளது போல செய்யவும். 

Menu -> Settings -> Applications இதில் "Unknown Sources" என்பதை கிளிக் செய்து விடவும் 

இப்போது உங்கள் "File Manager" ஐ ஓபன் செய்து தரவிறக்கம் செய்த பயன்பாட்டை இன்ஸ்டால் செய்து விடலாம். உங்கள் File Manager ஒத்துழைக்க மறுத்தால் ASTRO File Manager என்ற பயன்பாட்டை தரவிறக்கம் செய்து கொள்ளவும். 

3. Opera Extension-கள் இப்போது அலைபேசிக்கும்

இணைய உலவிகளை பயன்படுத்தும் எல்லோரும் ஏதேனும் ஒரு Extension (நீட்சி )பயன்படுத்தி இருப்போம். எல்லா உலவிகளிலும் இந்த வசதி உள்ளது. Opera ஆனது அலைபேசிகளில் அதிகம் பயன்படுத்தப்படும் உலவி ஆகும்.  இது இப்போது Extension-களை அலைபேசியிலும் பய்னபடுத்த வழி வகை செய்துள்ளது. இதனால் நிறைய புதிய வசதிகள் அலைபேசிக்கும் கிடைக்கும். 

இதை Android அலைபேசியில் பயன்படுத்த - Opera Mobile Labs build with extensions for Android (.apk)

4. உங்கள் இணைய இணைப்பின் வேகத்தை கண்டுபிடிப்பது எப்படி? 

• Speedtest.net
• Broadband reports
• Speakeasy Speed Test
• Toast net Performance Test
• YourSpeed
• WUGNET
• Bandwidthplace Speed Test
• McAfee Internet Connection Speedometer
• CNET Bandwidth Meter

5. ஜிமெயிலில் Chat Box இடத்தை Right Side க்கு மாற்றுவது எப்படி? 

நிறைய பேர் தங்கள் ஜிமெயில் கணக்கில் நிறைய நண்பர்களை கொண்டுள்ளனர். அது இடது பக்கம் கீழே இருந்தால் ஆன்லைனில் உள்ள அனைவரையும் உங்களால் பார்க்க முடியாது. அதை தவிர்க்க வலது பக்கம் உங்கள் Chat Box ஐ வைத்து கொள்ளலாம். 

இதற்கு Settings >> Labs என்பதில் "Right-side chat" என்பதை "Enable" செய்து விடவும். 

6. ஆன்லைனில் தமிழ் புத்தகங்கள் வாங்க நம்பிக்கையான தளங்கள் 

இணையத்தில் நிறைய புத்தக பிரியர்கள் உள்ளனர். ஆன்லைன் மூலம் ஆர்டர் செய்வது குறித்து நிறைய பேருக்கு பயமும் உள்ளது. அப்படி வாங்க சில நம்பிக்கையான தளங்கள் கீழே 

1. Udumalai.Com
2. விகடன் - விகடன் நிறுவன புத்தகங்கள் மட்டும் 
3. கிழக்கு பதிப்பகம் - முதலில் அவர்கள் பதிப்பக புத்தங்கள் மட்டும் தந்தவர்கள் இன்று அனைத்து பதிப்பகமும் கிடைக்க வழிவகை செய்துள்ளனர். 

உங்களுக்கு தெரிந்த மற்றவற்றை பின்னூட்டத்தில் நீங்கள் கூறலாம். 

7. ஆன்லைனில் வாங்கும் பொருட்களின் தற்போதைய விலை அறிய 

முன்பெல்லாம் கணினியோ, அலைபேசியோ வாங்க வேண்டும் என்றால் கடைக்கு சென்று பல மாடல்களை அலசி விட்டு பின்னர் வாங்குவோம். ஆனால் இன்று அனைத்தும் ஆன்லைன் மூலம் வாங்கும் நிலைக்கு வந்து விட்டோம். அப்படி வாங்கும் போது எந்த தளம் குறைந்த விலைக்கு தருகிறது என்று பார்த்து வாங்க  MySmartPrice  தளம் உதவுகிறது. 

8. ஆன்லைன் போட்டோஷாப் தளங்கள் 

போட்டோ எடிட் செய்யும் எந்த கணினியும் இல்லாத கணினிகளை பயன்படுத்தும் போது இணைய இணைப்பு இருந்தால் பின் வரும் தளங்களை நீங்கள் பயன்படுத்திக் கொள்ளலாம். 

1. Pixlr
   
2. Splashup
3. Photoshop Online Free
4. OIE – Online Image Editor
   
5. PicMonkey

9. ஒன்பது சிறந்த Cloud Storage தளங்கள் 

கூகுள் டிரைவ் வந்த பின் நிறைய பேர் Cloud Storage பற்றி தெரிந்துள்ளனர். ஆன்லைனில் உங்கள் Files, Folder சேமித்து வைக்கும் இவை இப்போது நிறைய உள்ளன, அவற்றில் சிறந்த ஒன்பது தளங்களை பார்ப்போம். 

1. Google Drive - 5GB வரை இலவசம் 
2. Dropbox -  2GB வரை இலவசம் 
3. Box -  5GB வரை இலவசம் 
4. SugarSync -  5GB வரை இலவசம் 
5. Cubby -  5GB வரை இலவசம் 
6. CX -  10 GB வரை இலவசம் 
7. Mozy Stash -  2GB வரை இலவசம்
8. Wuala  -  5GB வரை இலவசம் 
9. Bitcasa

போட்டோ காலேஜ் மேக்ஸ்.

Posted on July 27,2012,By Muthukumar.

முப்பெரும் விழா கேள்விப்பட்டிருப்போம். மூன்று விதமான பணிகளை செய்யும் இந்த சாப்ட்வேரினை எவ்வாறு குறிப்பிடுவது. விதவிதமான வாழ்த்து அட்டைகள்.காலண்டர்கள்.வால்பேபப்ர்கள் என மூன்று வெவ்வெறு டிசைன்களை இந்த சின்ன் சாப்ட்வேர் மூலம் நாம் எளிதில் கொண்டுவரலாம்.36 எம்பி. கொள்ளளவு கொண்ட இதனை பதிவிறக்கம் செய்ய இங்கு கிளிக் செய்யவும். இதனை இன்ஸடால் செய்ததும் உங்களுக்கு கீழ்கண்ட விண்டோ ஓப்பன் ஆகும்.மூன்று விதமான பணிகளில் நமக்கு தேவையானதை தேர்வு செய்யவும். நான் கிரிட்டிங்கார்ட் எனபடும் வாழ்த்து அட்டையை தேர்வு செய்துள்ளேன்.

 இப்போழுது நிறைய டெம்ப்ளேட்டுகளுடன் நமக்கு கீழ்கண்ட விண்டோ ஓப்பன் ஆகும். இதில் தேவையான டிசைனை தேர்வு செய்யவும்.

 இப்போழுது இந்த விண்டோ ஓப்பன் ஆகும். இதில் நமது கணிணியில் உள்ள போட்டோக்களை தேர்வு செய்யவும்.

இப்போழுது நமக்கு கிரிட்டிங்கார்ட் ரெடி. இதில் Shuffle முறை கொடுக்கப்பட்டுள்ளதால் தேவையான டிசைன் நமக்கு வரும் வரை பட்ங்களை மாற்றிககொண்டே இருக்கலாம்.இறுதியாக சேவ் செய்வதோ நண்பர்களுக்கு இ-மெயில் அனுப்பவதோ செய்யலாம். 

 இதனைப்போலவே காலண்டர் தயாரிக்கவும் செய்யலாம். காலண்டர் டிசைனை நாம் தேர்வு செய்துகொள்ளவேண்டும்.கீழே உள்ள விண்டோவில் பாருங்கள்.

முன்பு கிரிட்டிங்கார்ட்டுக்கு செய்த வழிமுறைகளே இதற்கும் செய்யவேண்டும்.  கீழே வந்துள்ள காலண்டர் டிசைனைன பாருங்கள். 

 நேரடியாக இந்த சாப்ட்வேரின் மூலம் அனைத்துப்பணிகளையும் செய்வதுடன் தேவையான டெப்ள்ளேட் டிசைன்கள் -ப்ரேம்கள் எளிதில் கொண்டுவரலாம்.

 சில படங்களை கொண்டு நான் செய்த டிசைன்கள் கீழே:-

இது 30 நாள் டிரையல் விஷனாக கொடுத்துள்ளார்கள். விருப்பப்பட்டால் நீங்கள் முழு சாப்ட்வேரினையும் வாங்கிக்கொள்ளலாம். இதன் இணையதள முகவரி காண இங்கு கிளிக் செய்யவும்.பயன்படுத்திப்பாருங்கள்.கருத்துக்களை கூறுங்கள்.

நீளமான கட்டுரைகளை நொடியில் படிக்க உதவும் இணையதளம்.

Posted On July 27,2012,By Muthukumar
தமிழில் இது போன்ற இணையதளம் இல்லையே என்ற ஏக்கத்தை தரக்கூடிய வகையில் அமைந்திருக்கிறது சம்மரைசர் இணையதளம்.இந்த தளம் நீள‌மான கட்டுரைகளை நொடியில் படிக்க உதவுகிறது.
அதாவது நீளமான கட்டுரைகளை ஒரு சில வரிகளில் சுருக்கி தந்து விடுகிறது.அந்த சில வரிகளை படித்தால் போதும் கட்டுரையின் சாரம்சத்தை புரிந்து கொண்டு விடலாம்.
நீளமான கட்டுரையை படிக்க நேரமில்லாதவர்களுக்கான சேவை என்ற போதிலும் பத்து வரிக்கு மேல் எதையும் படிக்க பொருமை இல்லாதவர்களும் பயன்படுத்தி கொள்ளலாம்.
இந்த இணையதளம் செயல்படும் விதமும் வேகமும் உண்மையிலேயே வியப்பாக இருக்கிறது.எந்த கட்டுரையின் சுருக்கம் தேவையோ அதனை இந்த தளத்தில் சமர்பித்து சுருக்கவும் என கேட்டுக்கொண்டால் அடுத்த சில நொடிகளில் அதன் சாரம்சத்தை முன் வைக்கிறது.
கட்டுரையின் மூன்று வகையான சுருக்கத்தை கேரும் வசதி இருப்பது கூடுதல் சிற‌ப்பு.டிவிட்டர் பிரியர்கள் 140 எழுத்துக்களுக்குள் சுருக்கத்தை பெற்று கொள்ளலாம்.அதே போல 250 எழுத்துக்கள் கொண்ட சுருக்கத்தையும் 500 எழுத்துக்கள் கொண்ட சுருக்கத்தையும் பெறலாம்..
மாணவர்கள்,ஆய்வாளர்கள்,பேராசிரியர்கள் ,வாசிப்பு சோம்பேரிகள் என யார் வேண்டுமானாலும் பயன்படுத்தலாம்.
நீளமான கட்டுரையை அப்படியே சுருக்கி படிக்க முடிவதை எளிதாக நிறைவேற்றி தந்தாலும் இந்த சேவையின் பின்னே உள்ள விஷயம் எளிதானதல்ல என்றே தோன்றுகிறது.
பின்லாந்து நாட்டின் ஹெல்சின்கி பல்கலையில் உள்ள மொழியியல் ,ஐடி மற்றும் சாப்ட்வேர் துறையை சேர்ந்த நிபுணர்களின் 20 ஆண்டு கால கூட்டு முயற்சியின் பயனாக இதனை சாத்தியமாக்கும் தொழில்நுட்பம் உருவாக்கப்பட்டுள்ளது.
இந்த உழைப்பின் பயனாக உருவாக்கப்பட்ட 8 கோடிக்கும் அதிகமான நிரல்களை (கோட்)கொண்டு இந்த அற்புதம் சாத்தியமாவதாக குறிப்பிடப்பட்டுள்ளது.
உண்மையிலேயே இது அற்புதமான சேவை தான்.இயந்திர மொழிபெயர்ப்பில் உள்ள கஷ்டங்களை அறிந்தவர்களுக்கு இதன் மகத்துவம் புரியும்.ஒரு சொல்லுக்கான பொருள் அதை பயன்படுத்தப்பும் விதம்,இடம் ஆகியவற்றுக்கேற்ப மாறுபடும்.மனித மனம் இதனை எளிதாக கண்டு கொள்ளும்.ஆனால் சாப்ட்வேர் திணறிவிடும்.எனவே தான் இயந்திர மொழிபெயர்ப்பு பெரும்பாலும் துல்லியம் இல்லாமலும் பல நேரங்களில் சிரிப்புக்கு இடமாகவும் அமைந்து விடுகிறது.
வாசிப்பிலும் இதே நிலை தான்.ஒரு நீண்ட கட்டுரையை படிக்கும் மனிதர்கள் எளிதாக அதன் சாரம்சத்தை நாலு வரியில் சொல்லி விடுவார்கள்.ஆனால் ஒரு சாப்ட்வேர் இதனை செய்ய முற்படும் போது நிறைய சிக்கல்கள் உள்ளன.
இந்த சிக்கலுக்கான உதாரணங்களை இந்த தளமே தனது அறிமுக பகுதியில் குறிப்பிட்டுள்ளது.
காலம் ஒரு அம்பை போல பறந்தது என குறிப்பிடும் போது இது குறிக்கும் வேகத்தை சட்டென புரிந்து கொள்வது கம்ப்யூட்டருக்கு சாத்தியமா தெரியவில்லை.இது போன்ற மொழியியல் நுட்பங்களை கருத்தில் கொண்டு இவற்றை எல்லாம் உணரக்கூடிய நிரலை எழுதியுள்ள நிபுணர்கள் மிகவும் தேர்ச்சி பெற்றவர்களாக தான் இருக்க வேண்டும்.
இந்த சாப்ட்வேர் பின்னே இருக்கும் கனெக்சர் நிறுவனம் தான் இந்த தளத்தை உருவாக்கியிருக்கிற‌து.நோக்கியா,மோட்டரோலா போன்ற நிறுவனங்கள் பயன்ப‌டுத்தும் இந்த சாப்ட்வேரை காட்சி படுத்துவதற்கான தளமாக இது உருவாக்கப்பட்டிருக்கலாம்.
எப்படி இருந்தாலும் வியப்பில் ஆழ்த்தக்கூடிய சேவை தான்.
இந்த தளத்திலேயே இன்னும் இரண்டு அழகான சேவைகளுக்கான இணைப்பு இருக்கிறது.
ஒன்று குட் நியூஸ் பேட் நியூஸ்.இந்த பகுதியில் ஏதாவது நிறுவனத்தின் பெயரை டைப் செய்தால் அந்நிறுவனம் தொடர்பான செய்திகளை நல்ல செய்தி,எதிர்மரையான செய்தி என இரண்டு வகையாக பிரித்து காட்டுகிற‌து.
இதே போல பிராண்ட்பைட் பகுதியில் இரண்டு பிராண்டுகளை சமர்பித்தால் அவற்றுகான செய்திகளின் ஒப்பீட்டை வரைபடமாக காட்டுகிற‌து.
இணையதள முகவரி;http://www.summarizer.info/

How to Recover Hidden Files from Virus Infected Pendrive without any software

10

 

 

5

Posted On July 27,2012,By Muthukumar

Now a days Pendrives are very important to keep the data always with you. but only disadvantage is viruses and malwares are easily attacks pendrives. If virus attacks your pendrive it hides and creates .exe extension for all your files from pendrive. Generally you can view hidden files simply navigate to Folder Options > View > and select Show Hidden Files and Folders. But this method doesn't work if your pendrive  infected by virus.

Here the simple method to view your infected files from pendrive. 

Step 1:
Plug your USB pendrive in to computer and find the drive  for your connected USB drive. For Example, E:

Step 2 :
Go to Start ==> Run ==> cmd and hit Enter.

Step 3: 
Command prompt window will open type drive letter of your pendive for example E: and hit enter. It shows like below E:\>


Step 4: 
Then Type these character with correct space placement

attrib -s -h /s /d *.* 


See below image

Are you sure that you entered correctly then hit enter and wait for some seconds. Now view your pendrive it show all your infected files and folders with out any problem.